Erik of 't Kleine Insectebook
De besónjere veurdrach Erik of 't klein insektebook van toneelvereniging Setovera bringt 't tiedloze verhaol van Godfried Bomans tot laeve. En neet allein dat: 't weurt vertèld in 't Limburgs dialek. 'ne unieke ervaring woa kunst, natuur en Limburgse trots samekómme en get prachtigs creëre.
Van 8 tot 80 jaor aod
Erik of 't Klein Insektebook is gein gewoën theatersjpel. 't Is 'ne productie door vriejwilligers met versjillende achtergrónje, van jong tot aod en van versjillende disciplines: dènk aan theatersjpel, zang, bouwkunst, techniek, natuur, oonderwijs, mode en literatuur. Mit mer leefs 138 deilnemers vaariërend in leeftied van 8 tot 80 jaor, is dit 'n besónjer en oetdagingrik projek.
Natuur en de mins
Erik of 't Klein Insektebook neumpt dich mit in 't aovontuur van Erik Pinksterblom. Op 'ne toverachteg nach betreedt hae 't schilderie "Wollewei" bove zien bed en belandt hae in de intrigerende wereld van insekte. Dao oontdekt hae dat de sjeidslien tusje insekte en mins neet zoea lèstig is. Via Eriks belaevenisse oontvouwt zich 'n verkenning van minselijke eigesjappe, zowel de beperkende es de hebzuchtige aspekte. Dit verhaol geit verder es 't individu en oonderzeuk de rol van de minsheid in 't grotere geheel, wobie gulleheid naoaeve hebzucht sjteit.
't Verhaol weurt slim verweve mit de kwetsbaarheid van de natuur en 't cruciale belang van insekte veur ós veurtbestaon. Door deze relatie tusje minselijk gedrag en ecologische oetdaginge aan te stippe, houp de veurdrach 't publiek bewuster te make en aan te zètte tot naodinke en actie.
De same wirk mit lokale natuurorganisaties wie IVN Horst a/d Maas, Landschap Horst aan de Maas, Groengroep Sevenum en 't Zoemhukse (bieënteelt) veug 'n diepere laag toe aan dit projek. Heejdoor weurt waordevolle kennis euver de Limburgse natuur en insekte neet allein doorgegaeve via de inhoud, mer auch via de prachtige insektekostuums die es visuele kunstwerke zulle sjeene.
' In 't Limburgs
De keuze om de veurdrach in 't Limburgs dialek te bringe, veug 'n extra dimensie van culturele identiteit toe aan dit projek. Heejmit draagt Setovera bie aan 't behoud en de viere van de Limburgse taal. Mer dit geit verder es allein vermaak; de veurdrach wil jong en aod betrekke, eur gedrag oonder de loep numme en eur bewust make van de oetdaginge in oze maatsjappij.
Worum steunt 't Cultuurfonds Limburg Erik of 't Klein Insektebook?
- 't Projek bevördert culturele diversiteit en wirk verbindend.
- 't Zet maatsjappelijke thema's in de schijnwerpers en sjtumuleert bewustwording.
- 't Draagt bie aan educatie euver de waerd van de Limburgse natuur.
- 't Viert de culturele identiteit door 't Limburgs dialek te gebruke.
- 't Is 'n same wirkprojek dat inclusiviteit en persoonlijke groei bevördert.